Енигма е хуманистичко движење и иницијатива што обединува различни области во еден сеопфатен и општествено ориентиран екосистем. Нашата цел е да создадеме платформи, дигитални алатки и активности кои се фокусирани на едукација, хуманитарна поддршка, личен развој и на поттикнување самостојно творештво и објавување со етички и транспарентни стандарди.

Во рамки на Енигма, поддржуваме независно издавање на книги, скрипти и други творечки дела преку отворени формати и системи што се достапни за секого. Дел од оваа мисија се и нашите хуманистички стандарди (ABSN, eCIP, EVS и HDS) кои овозможуваат делата да бидат препознатливи, транспарентно структурирани и заштитени со вредносна рамка.

Овој екосистем е збир од поврзани иницијативи, содржини и заедници, насочени кон една мисија: да се создаде простор каде што идеите добиваат поддршка, а креативноста станува акција. Сето ова е дел од нашата Просветителска Мисија – да поттикнеме култура на знаење, самостојност и хуманост преку учење, објавување и споделување ресурси за доброто на сите.

ЛИЧНО ОБРАЌАЊЕ

Помогни ни и ТИ да продолжиме да градиме знаење и да помагаме преку хуманост!

Енигма е независна творечка мисија, која се реализира без посредници, директно со вашата поддршка. Јас, Никола, ја водам лично, со желба да остане слободна, отворена и насочена кон суштината: едукација, творештво, креативност и хуманост. Едукативните и мултимедијалните содржини, како што се курсеви, музички пакети, алатки и други ресурси се достапни без комерцијална цена, но со можност за доброволна поддршка со препорачан придонес. Бесплатна верзија е секогаш достапна за оние што немаат можност да поддржат. Придонесите се примаат директно преку поддржувачка сметка и се користат исклучиво за развој на платформата, нови содржини и општествено-корисни проекти. Што се однесува до хуманите иницијативи, како што се „Твори-Читај-Биди Хуман“ и е-списанието „Универзумот зборува“ тие се водени од Софија.
Вашата поддршка е чин на доверба и за тоа од срце ви благодарам.
-- Никола Дио Петковски
(Енигма иноватор и креатор)

ЕНИГМА ДЕЛУВА ВО СЛЕДНИТЕ ОБЛАСТИ:

• Хуманистичка Школа: Образовни и едукативни програми кои вклучуваат курсеви и предавања фокусирани на хуманистичките науки, филозофија, култура и духовност надополнети со технолошки решенија за онлајн учење, дигитални ресурси и интерактивно искуство со препорачан придонес кој помага во развојот на понатамошните образовни проекти.
• Книжевно Созвездие: Публикации и самостојно објавување на книги со едукативна и хуманитарна вредност. Преку поддршка со препорачан придонес се поттикнуваат автори и уметници, со цел нивните дела да придонесат кон општото добро. Во рамки на оваа иницијатива се развиваат и тематски едукативни рубрики како дел од широката образовна мисија на Енигма. Тие се организирани во три целини: Астро Галаксија (астрологија и космологија), Живот во рамнотежа (личен развој), и Семејно стебло (педагогија и семејни вредности).
• УНАП заедница: Обединета група на академски професори кои се ангажирани во истражувања, организирање на онлајн собири и понудување на поддршка за личен и професионален развој. Оваа група го охрабрува образовниот развој, размена на идеи и поддршка на движењата кои се засноваат на критичко размислување и напредок.
• ЛУНА колектив: Заедница составена од луѓе кои преку лојалност, учество, напредок и акција придонесуваат во хуманите и креативните иницијативи на Енигма. ЛУНА ги обединува оние што сакаат да делуваат активно во проекти од пошироко значење, како што се хуманитарните акции, едукативните списанија и културните иницијативи.
• Мултимедијален облак: Креирање и дистрибуција на аудио и визуелни содржини (аудио, видео, анимација, апликација). Овие ресурси бесплатно се достапни за сите, а препорачаниот придонес помага во понатамошната продукција и поддршка на креативниот труд.
• Хуманитарни проекти: Преку нашиот фокус на хуманитарни цели, се спроведуваат проекти кои вклучуваат пишување на книги, е-списанија и други ресурси кои имаат за цел да помогнат онаму каде што е најпотребно, како и поддршка на уметниците и гостите кои учествуваат во истите проекти.
• ЕОН токен: Во основата на Енигма екосистемот се гради и иновативен дигитален слој - ЕОН Токен. ЕОН ќе овозможи нови начини за поддршка, наградување и соработка низ сите проекти и активности на Енигма. Овој токен е во својата почетна фаза и постепено ќе биде интегриран како дел од идните функционалности на екосистемот.

Енигма ја вреднува транспарентноста и посветеноста кон развојот на заедничката визија. Со оваа структура на активности, ние целиме да обезбедиме професионален и квалитетен простор за едукација, хуманитарни активности и поддршка на креативни изрази, со цел да направиме позитивни промени во општеството како хуманистичко движење. Посветени сме на создавање ресурси и активности кои не само што се културно и едукативно значајни, туку имаат и длабок хуманитарен ефект, сè во името на поврзување и поддршка на иницијативата.